مهما طال العمر .. رانيا مصطفى

مهما طال العمر ....رانيا مصطفى
مهما طال العمر بينا
لسا جوا منا طفل
يرسم الافراح بريشة
ضحكته بتمشى جرح
حلمه كل يومين تلاتة
يتولد ويموت بفرح
-----------
مهما طال العمر بينا
لسا جوا قلوبنا طيبة
تنسى كل هموم زمنا
تخلق الدنيا البسيطة
ايد تطبطب على الكتاف
ايد تعينك على الكفاح
هو دا معنى السماح
______________
مهما طال العمر بينا
لينا دفتر ذكريات
فيه بنلقى زمنا واقف
يحكى ويجمع حاجات
عن جمالنا لما كنا
روح تلحن اغنيات
عن مشاعرنا البريئة
اما كانت بالسكات
ولسا جوا الذكريات
لما نقفل صفحة تفتح
صفحة تانية بحكايات
----------
مهما طال العمر بينا
لينا يوم وحننتهي
اصل كل بداية ليها
يوم اكيد و حتختفي
#رانيا_مصطفى

مقياس الجمال بقلم رانيا مصطفى

مقياس الجمال
...................
الجمال مش بس تفاصيل تتقري
على وش بنت بتنكسف من نظرتك
وﻻ هو رسم بيتدى من لون عنين
تجرح فؤادك رغم سهم من القلق
جايز يكون مقياس جمالك بسمتك
اوقات قلوب كسبت قلوب من ضحتك
مهما اختلف
لونك
لسانك
لهجتك
يمكن كمان مقياس جمالك كلمتك
شقت طريق للخير تطيب قلب مسكين
عدت على الجرح الحزين
تداويه
تجبر بخاطره
وتراعيه
وجايز يكون مقياس جمالك
زى حبر على الورق
#رانيا

روبابيكيا بقلم رانيا مصطفى

روبابيكيا.....
حاجات ملهاش لازمة فى روحك
طلعها اقوام للروبابيكيا....
حبة احلام على كام صورة
على حزن معدي من الدنيا....
ارمي امبارح من حساباتك
دا امبارح مات واصحى لبكرة
بس اوعى تزود احلامك
او انك تبني قصور ف الهوا عليا .....
وقت اما حتسرح بخيالك
ممكن تتباع فى الروبابيكيا ..
بقلمى
#رانيا

سطرين بقلم رانيا مصطفى

سطرين حروف
متجمعين على الورق
حبة هموم على ذكريات
خلصت وتاهت من الغرق
اثر الدموع
ع الحبر باين والورق
كانت مشاعر لسا حية بتتولد
اخدت طريقها
مكنش فى حسابها القلق
فالشوك جرحها
و حلمها منها انسرق
مفضلش جواها الجمال
اللى انخلق
يمكن حقيقى التجربة
بتقوى
لكن بتجبرنا......
نغير فى الطرق
#رانيا

أتى رمضان بقلم رانيا مصطفى

وها قد جاء رمضان
يعمر بالأمل أكوان
فيمنح طيفه الباسم
آمالا تسمو بالوجدان
وكم من ساهر عاشق
قيام الليل بالأسحار
يشق الفجر ترتيلا
يردد بالضحى أذكار

بلا اجنحة بقلم رانيا مصطفى

يراك الخلق مبتسما
مشعا بالامل والصبر
وعينك تبتغى وطنا
به يحيا كطير حر
ولكن كيف. اجنحته
تحلق بين وادى وبحر
الم تكسر به عزة
الم يقتل بداء الغدر
فصار اسير افكار
تكبله بسوط وخيط