مهما طال العمر ....رانيا مصطفى
مهما طال العمر بينا
لسا جوا منا طفل
يرسم الافراح بريشة
ضحكته بتمشى جرح
حلمه كل يومين تلاتة
يتولد ويموت بفرح
-----------
مهما طال العمر بينا
لسا جوا قلوبنا طيبة
تنسى كل هموم زمنا
تخلق الدنيا البسيطة
ايد تطبطب على الكتاف
ايد تعينك على الكفاح
هو دا معنى السماح
______________
مهما طال العمر بينا
لينا دفتر ذكريات
فيه بنلقى زمنا واقف
يحكى ويجمع حاجات
عن جمالنا لما كنا
روح تلحن اغنيات
عن مشاعرنا البريئة
اما كانت بالسكات
ولسا جوا الذكريات
لما نقفل صفحة تفتح
صفحة تانية بحكايات
----------
مهما طال العمر بينا
لينا يوم وحننتهي
اصل كل بداية ليها
يوم اكيد و حتختفي
#رانيا_مصطفى
الأربعاء، 17 يوليو 2019
مهما طال العمر .. رانيا مصطفى
الاشتراك في:
تعليقات الرسالة (Atom)
ليست هناك تعليقات:
إرسال تعليق